Менопаузадағы әйелдерге арналған кеңестер мен ұсыныстар

Мазмұны:

• Климакс кезіндегі күнделікті тәртіп
• Ұйқы
• Менопауза кезіндегі диета
• Гигиена
• Менопауза кезінде жаттығулар мен спорт
• Жыныстық өмір
• Менопауза кезіндегі зиян әдеттердің әсері
• Медициналық көмек және диагностика
• Қолдау көрсететін ем

Ешқайсымыз менопаузадан аулақ бола алмайтындықтан, осы кезеңнен ең аз зардаппен аман өту керектігін анықтаймыз ба? Әйелдердегі климакстың белгілері айқын және ұзақ уақыт бойы жіктелген. Бірақ алдын ала ескертілген - қарулы, солай емес пе?

Алдымен сіз немен күресу керектігін түсінуіңіз керек. Негізгі ыңғайсыздық әдетте ысынулар, ұйқысыздық, көңіл-күйдің өзгеруі, жүрек соғуы, шамадан тыс тершеңдік, жыныстық дисфункция сияқты белгілерден туындайды. Ең жағымсыздардың қатарында артық салмақ, беттегі шаштың шамадан тыс өсуі және әжімдердің тез пайда болуы.

Барлығы ағзаның күрт өзгеріп жатқанын көрсетеді, яғни өмір салтын түбегейлі өзгерту керек. Бірақ бәрін ретімен талқылайық.

Климакс кезіндегі күн тәртібі

• Сіз іскер әйел болсаңыз да, кунделікті күн тізбеленіп қойса да, артық жұмыс істегеніңізді ұмытпаңыз. Сіздің ағзаңызда стресс жеткілікті. Өзіңізге демалыс беріңіз: 9 сағат алаңсыз ұйқытау міндетті! Сырт келбетіңіз жақсаратыны сөзсіз.
• Біз стресстік жағдайлардан аулақ болуға тырысамыз. Климакс оларды ұлғайтады. Интернетте әйелдердің климакс туралы жазбаларын оңай табуға болады, оларды ол қаншалықты алаңдатып тітіркендіретіні туралы айтады. Сондықтан біз жұмыста күлімдеп, көлікте жағымды музыка тыңдап және үйде отбасымызбен жанжалға түспей жүруіміз керек. Сіз мысық немесе ит асырай аласыз. Маған сеніңіз, бұл тамаша антистресс!
• Жүрегіңіз қалауы бойынша фитнеске, йогаға, жүзуге немесе өзіңізге қолайлы кез келген басқа белсенділікпен айналысуға жазылу керек. Қалыпты физикалық белсенділік өте пайдалы. Жай саябақта итіңізбен жүгіре аласыз. Бірақ аптасына кемінде 3 рет! Бір сөзбен айтқанда, көбірек энергия жұмсасаңыз артық салмақ сізді алаңдатпайды.
• Климакс кезінде гормоналды фон әсіресе сезімтал және тәуліктік ырғақтарға тәуелді (күн мен түннің өзгеруіне байланысты әртүрлі биологиялық процестердің қарқындылығының циклдік ауытқуы). Сондықтан күн тәртібі - ұйқысыздық пен жаман көңіл-күймен күресуде шынайы одақтас. Дәл бір уақытта тұрып, ұйықтауымыз керек. Сағат 23:00-ден кешіктірмей ұйықтаған жөн. Түнгі сағат бірге таман белсенді демалыс кезеңі келеді, сізге дәл осы өте қажет!
• Ұйықтар алдында бір сағат бұрын жылы душ қабылдаңыз - түнгі ысынуларға қарсы сенімді құрал.

Ұйқы

Кейбір әйелдерде ысынулар ең аз белсенділік кезеңінде пайда болады, сондықтан түн олардың уақыты. Бірақ сіз не істеу керектігін білсеңіз кез келген климакс қорқыныш тудырмайды! Ысыну болса да ұйықыну қандыру үшін дұрыс әрекет етеміз:

• Ұйқтауға арналған іш киім және төсек құралдары тек табиғи материалдардан болу керек.
• Ұйықтар алдында бөлмені ауаландырамыз немесе ауа райы қолайлы болса терезені ашып ұйықтаймыз.
• Жұқа көрпе жамыламыз! Мамық төсек - әженің сандығына!
• Физика заңдарын өз мүддеміз үшін пайдаланамыз, атап айтқанда артық жылуды кетіру үшін бір аяғымызды көрпенің астынан шығарып немесе мүлде киімсіз ұйықтаймыз.
• Жатын бөлмеден теледидар мен компьютерді алып тастаймыз. Ұйқы аймағы жұмыс пен ойынға арналмаған.
• Терезелерді қалың перделермен жабамыз. Жазда күн ерте шыққанда көмегі көп болады.

Менопауза кезіндегі рацион

• Фаст-фудты ұмытыңыз! Сіздің сүйікті тағамыңыз көкөністер мен жемістер болуы керек. Оларды көп мөлшерде жейміз. Бидайдың, сұлының немесе сояның өскен дәндері әсіресе пайдалы. Мұндай өнімдерде өзек көп, ол іш қатудың алдын алады, дене салмағының өсуін азайтады, ішекте пайдалы бактериялардың өсуін ынталандыру арқылы иммунитетті жақсартады.
• Кофеден бас тартыңыз. Жасыл шай да қуаттандырады.
• Ашытқан сүт өнімдеріне тоңазытқыштың бір сөресін бөлеміз. Олардың құрамында пайдалы бактериялар ғана емес, сонымен қатар осы кезеңде сіздің денеңізге әсіресе қажет кальций бар.
• Майлы еттерді (шошқа еті, қой еті) алып тастауға тырысамыз. Рационға көбірек балық қосып, өмірден ләззат алыңыз!
• Кез келген басқа сусындардан жақсысы - әрқашан газсыз таза ауыз суы. Қанты аз компоттар, жеміс сусындары, сүйікті шөп шайлары да қолайлы.
• Жалпы тамақтын калориясын азайтамыз. Жасы бойынша зат алмасу процестердің жылдамдығы өзгеретінін ұмытпаңыз, әдеттегі калория мөлшері салмақтың өсуіне әкелуі мүмкін.
• Климакс кезінде дәрігердің кеңесі ретінде сүйікті тағамдардың дайындау әдісін өзгерту туралы болуы мүмкін: суға және пешке пісірілген тағамдарға ауысу маңызды.
• Тамақты қабылдау жиілігі мен көлемі өзгереді: жиірек (күніне 4-5 ретке дейін), бірақ аз көлемді порция болғаны дұрыс.

Көптеген дәрігерлер жерорта теңізі деп аталатын диетаға көшуді ұсынады. Ол жағымсыз эмоцияларды тудыратын қатаң шектеулерсіз. Мұндай диетаның негізі - балық, көкөністер, жарма, өсімдік майлары. Балықтағы омега-3 май қышқылдары жүрек пен қан тамырларының денсаулығын, тері сапасын және басқа параметрлерді қолдайтын маңызды компоненттер болып табылады.

Гигиена

• Енді су процедураларын жиі қабылдаған жқн. Таңертең және кешке салқын душ. Мүмкін болса, күннің ортасында да. Климакс кезінде гормондардың деңгейі айтарлықтай және күрт ауытқуларға ұшырайды. Кез келген нәрсені күтуге болады.
• Интимдік гигиена үшін біз тек интимдік гигиенаға арналған ... өнімдерді қолданамыз (бейтарап немесе аздап қышқыл рН бар). 4-5 рНқа тең көрсеткіш қынаптың қалыпты микрофлорасын сақтайтын деңгейге сәйкес келеді. Бұл интимдік аймақтағы құрғақтықты жеңуге және жиі қайталанатын ықтимал қабынудың алдын алуға көмектеседі.
• Синтетикалық іш киім алынып тасталу керек. Табиғи матадан тігілген, бірақ әрине әдемі іш киім киеміз! Бұл кез келген жас үшін ең жақсы таңдау.

Айтпақшы, табиғи маталарды таңдау тек іш киімге ғана қатысты емес. Ысыну кезінде оңай ағытып/шешілетін киімдерге артықшылық берген дұрыс, көп қабаттылық және ыңғайлылық өте пайдалы болады. Мысалы, пиджакты шешіп немесе блузканың жоғарғы түймесін ағыту арқылы әл-ауқатыңызды жақсарту оңай болады.

Қызып кетуге әкелетін гигиеналық процедуралардан бас тартып, тек жұмсақ монша, ыстық емес жылы душ болғаны жөн.

Климакс кезінде жаттығулар мен спорт

Гормоналды өзгерістер кезінде шап бұлшықеттерінің әлсіреуіне байланысты жатырдың пролапсы пайда болуы мүмкін, сонымен қатар одан да үлкен мазасыздық - зәр шығаруды ұстамау басталады. Кегель жаттығуларының жиынтығы жамбас қуысының түбінің бұлшықеттерін және интимдік аймақты нығайтуға көмектеседі. Ол сондай-ақ жыныстық денсаулықты сақтауға көмектеседі.

Жаттығулар тиімді болуы үшін оларды дұрыс орындаңыз. Қажетті ақпаратты интернетте және вумблинг (әйелдерге арналған интимдік гимнастика) туралы кітаптарда еркін табуға болады. Бұл жаттығуларды үнемі орындап жүрсеңіз мәселе бақылауда болады.

Бірақ ереже бар: кешенді бастамас бұрын гинекологпен кеңесу керек. Климакс ағымын және бұл жаттығуларды қолдануға болатын-болмайтынын тек дәрігер ғана анықтайды, әсіресе гинекологиялық аурулар немесе операциялар болған жағдайда.

Жалпы белсенділікке келетін болсақ, климакс бар әйелдерге арналған негізгі ұсыныс жүктеме мөлшерлі болу керек. Ол жалпы денсаулыққа және ағзаның қажеттіліктеріне сәйкес болу керек.

Күнделікті күш салмайтын жаттығулар көмектеседі:

• таңертеңгі жаттығу;
• денсаулық топтарындағы жаттығулар;
• йога;
• пилатес;
• велосипед тебу;
• жеңіл жүгіру;
• су аэробикасы немесе бассейнде жузу;
• би;
• калланетика және т.б.

Дене белсенділігі ұйқыны қалыпқа келтіреді, бұлшықет тонусын сақтауға және сүйек тінінің жұқару процесін тоқтатуға көмектеседі, жүрек бұлшықеті мен қан тамырларын нығайтады. Сонымен қатар, жаттығулар көңіл-күйді жақсарта алады - эндорфиндер, қуаныш гормондары белсенділікке жауап ретінде шығарылады, бұл депрессияның тамаша алдын-алу болып табылады.

Ал егер денсаулыққа байланысты белсенді спортпен айналасуға болмайтын жағдай болса, мысалы, тірек-қимыл аппаратының аурулары, емдік дене шынықтыру жаттығуларына назар аударуға болады. Кез келген жағдайда, оңтайлы белсенділік түрі туралы дәрігермен кеңесу маңызды.

Бірақ шаршататын жаттығулармен, салмақ көтерумен, секірумен, өткір беткейлермен байланысты жаттығулар жағымсыз. Тыныс алуға және бұлшықет пен сіңірлерді жұмсақ созып және босаңтуға ерекше назар аударатын әрекеттерге артықшылық берген дұрыс.

Интимдік өмір

Бұл аймақ, әдетте, жыныстық қатынас кезінде либидоның төмендеуімен және жағымсыз сезімдермен көлеңкеленеді ... Сіз жақындықтан бас тартпауыңыз керек. Кегель жаттығулары сияқты, секс табиғи түрде біздің жыныс мүшелерімізді сауықтырады.

Сондықтан:

• Табиғи ылғал жеткіліксіз болған жағдайда су негізіндегі лубриканттарды қолданамыз. Ылғалдандыруға және ыңғайсыздықты жоюға арналған құралдардың әртүрлі түрлері бар: шамдар, кремдер, гельдер.
• Егер лубрикант жеткіліксіз болса және жыныстық жақындық кезінде ыңғайсыздық сақталса, жақпа / кремдер түрінде жергілікті эстрогендерді тағайындау қажет болуы мүмкін. Мұндай препараттар жүйелі әсер етпейді және қынаптың шырышты қабатының ылғалдануы мен құрылымын жақсарта отырып, оларды қолдану аймағында ғана әрекет етеді. Дегенмен, оларды тек дәрігер ғана тағайындай алады, сондықтан гинекологтан сізге дұрыс құралды тағайындауды сұраңыз.
• Біз интимдік гигиенаны сақтаймыз. рН 4-5 болатын нәзік күтімге арналған арнайы өнімдерді пайдалануды ұмытпаңыз. Менопауза үшін мұндай заттар жай ғана қажет.
• Назар аударыңыз! Контрацепцияға арналған заттарды пайдаланымыз! Соңғы етеккірден кейін 12 ай бойы жүктілік мүмкін болуы екендігі дәлелденді. Егер сіз қайтадан босанғыңыз келмесе, осыны есте сақтаңыз!

Менопаузадан кейін де жыныстық белсенді болып қалатын әйелдер менопауза белгілерін оңайырақ сезінетіндігі туралы дәлелдер бар.

Менопауза кезіндегі зиянды әдеттердің әсері

Міндетті түрде бас тартатын нәрсе! Темекі шегу мен алкоголь ауыр менопаузаның жанама себептері болып табылады деп саналады.Темекі шегу менопауза белгілерін ауырлатады, ал кейбір дәрігерлер бұл менопаузаның басталуын тездетеді деп болжайды. Сондай-ақ, бұл зиян әдет жүрек-тамыр аурулары мен остеопороздың даму ықтималдығын айтарлықтай арттырады, терінің, шаштың және тырнақтың нашарлауына ықпал етеді. Сондықтан қорытынды жасаймыз!

Медициналық көмек және диагностика

Менопаузаның ауырлығы сіздің жалпы денсаулығыңызға байланысты болуы мүмкін. Сондықтан өзіңізді мұқият тексеріңіз: әлсіздіктерге назар аударыңыз, дәрігерден жүрек-тамыр жүйесінің, бауырдың жұмысын, тірек-қимыл аппаратының жағдайын бағалауды сұраңыз, көру қабілетін тексеріңіз. Гормондардың деңгейін анықтау және климакс зертхана көмегімен растаулуы маңызды.

Сондай-ақ, маман қандағы липидті профильді, глюкозаны, холестеринді зерттеуге жолдайды және жамбас қуысы мүшелерінің ультрадыбыстық зерттеуін, маммографияны, денситометрияны және қалқанша безді бағалауды ұсына алады. Әйелдер денсаулығына сенімді болу үшін және онкологияны жіберіп алмау үшін жыл сайын, тіпті етеккір тоқтағаннан кейін де гинекологқа баруды жалғастыру керек.

Егер сіз климакс кезінде әдеттегіден гөрі алаңдаушылық, күдіктілік, тітіркенгіштік сезінсеңіз, психологқа бару туралы ұсыныс болуы мүмкін. Өзіңізге шегінбеңіз және депрессия белгілерін жасырмаңыз, сезімдеріңізді жақын адамдарыңызбен бөлісіңіз және өзгерістерді қабылдауға көмектесетін маманды табыңыз.

Қолдау терапиясы

Қалай болғанда да, менопаузаға байланысты бұзылулардың алғашқы белгілері пайда болған кезде, бұл дәрігермен кеңесудің айқын себебі болып табылады.

Егер әлі де көңіл-күйді, ұйқысыздықты, жыныстық қатынас кезіндегі ауырсынуды және тіпті ысынуларды дәрісіз жеңу мүмкін болса, гормондарды жеткілікті мөлшерде алуға дағдыланған ішкі органдарға қамқорлық жасау үшін маңыздырақ нәрсе қажет, өйткені олар дәл қазір эстрогенсіз қатаң диетада.

• Маман қажетті зерттеулерді жүргізеді және міндетті түрде гормоналды емес терапия бағдарламасын ұсынады. Бүгінгі күні климаксты емдейтін әртүрлі әдістері бар, соның ішінде менопауза белгілерін сәтті жоя алатын өсімдік тектес препараттар.
• Менопауза кезінде дәрігердің нұсқауларын орындаймыз, дәрілердің қабылдау дозасын және ұзақтығын қадағалаймыз. Климакс ұқыптылықты талап етеді және бұл немесе басқа құралсыз емделуге бола ма, тек дәрігер шешеді.